Kadazan Penampang/Tambunan

Pakazon do Tondu

Pakazon do Tondu KadazanDusun Penampang/Tambunan kiva do tapi, sinuangga, himpogot, sandangon.

TAPI                - Tinodo mantad kain baldu toitom toi kain toitom nopo. Gingohon do 'siling'. Siling nopo nga bamban tinoodo mantad tembaga. Tapi nga gingaan do tinombian banang amas.

SINUANGGA- Gaung tinodo mantad kain baldu toitom toin kain toitom. Gingaan nogi do siling hohobi po id baagi do      bamban kangkaab om id baagi do tatahanan. Sinuangga id Penampang aiso do hongon, kaantaban id bahazan nopo. Sinuangga do Bobohizan noo ie kihongon tanau.

HIMPOGOT   -Tiinggot piok pakazan sabaagai do tiingot. Nung tomoimo, tohu mai pakazan.

TANGKONG  -Miaga nogi do himpogot tongkung nga pomogingo do pakazon. Ii nopo tondu ie au po nasavo nga mamakai 3 dingkai tongkung om ii nopo nakasavo no nga mamakai duvo noh. Tangkong nopo nga tinoodo mantad do kuang hobi 84 tambaga hinusu do hindavog.

SANDANGON -Pakazon songian nopo do mongoi sazau do Sumazau. Nungn do tondu nopo nga misolobidang sabab kiva 2 pakazon doun dioho.

Ii susuvai pomogingo do pakazon ii kiva taanu nopo nga miaga :

i) Titimbok     - Piin do tobuk

ii) Tiningkokos- Gohong  poingkokos (tambaga toi piok)

iii) Gohong      -Tinoodo mantad tambaga toi piok.

iv) Hamai om simbong

Pakazon do Kusai

Pakazon do kusai Kadazan Penampang/Tambunan au songkuo ogumu baagi dau. Kiva nopo do siga, ii pakazon id tohu. Gaung dau nopo kihongon tanau. Gaung om souva tinodo mantad do kain baldu. Banang amas nga tombion id tisan, tanga gaung om souva tuu popogingo pamakazon. Kaaking toi toogot pokogoson doid tavak.